Ndërron jetë gjyqtarja e Gjykatës Themelore në Pejë, Lumturije Muhaxheri

Ndërron jetë gjyqtarja e Gjykatës Themelore në Pejë, Lumturije Muhaxheri

Pejë, 26.04.2021 – Pas një sëmundje të shkurtë ka ndërruar jetë gjyqtarja e Gjykatës Themelore në Pejë, Lumturije Muhaxheri.

Gjykata Themelore në Pejë ju shpreh ngushëllime familjes, kolegëve dhe të gjithë miqve të të ndjerës Muhaxheri.

Gjykata përherë do ta kujtoj gjyqtaren Lumturije për punën e madhe, urtësinë dhe virtytet e larta të saj.

Biografi e shkurtër e gjyqtares Lumturije Muhaxheri:

Lumturije Muhaxheri diplomoj në Fakultetin Juridik në “Universitetin e Prishtinës” në vitin 1990, kurse Provimin e Jurisprudencës e kreu në vitin 2006. Nga viti 2000 deri në vitin 2001 ajo ushtroi detyrën e juristes në OJQ ‘’KODI’’ në Pejë, ndërkaq nga viti 2002 deri më 2003 ka kryer praktikën profesionale ne Gjykatën e Qarkut në Pejë, ku vazhdoj te punoj vullnetare deri në vitin 2004. Nga viti 2004 punoi si Arkiviste e Lartë po në këtë gjykatë deri në vitin 2008, prej nga filloi punën si bashkëpunëtore profesionale deri ne vitin 2010. Më 2010 është emëruar si gjyqtare në Gjykatën e Qarkut në Pejë. Në fillim të janarit 2013 Muhaxheri u emërua si gjyqtare e Departamentit e Përgjithshëm në Gjykatën Themelore në Pejë deri në muajin Korrik po të këtij viti kur u emërua gjyqtare në Departamentin për Krime të Rënda, pozitë të cilën e mbajti deri tani.

Afërsia me kolegë ka qenë virtyt që e ka karakterizuar gjatë tërë karrierës së saj.

I përjetshëm qoftë kujtimi për gjyqtaren Lumturije!